Монгол, Хятадын “Замын-Үүд, Эрээний эдийн засгийн хамтын ажиллагааны бүс”-ийн үйл ажиллагааг эрчимжүүлэх чиглэлээр 2025 оны 03 дугаар сарын 28-ны өдөр БНХАУ-ын ӨМӨЗО-ны Эрээн хотод албан уулзалт хийгдлээ.
Тус уулзалтад “Замын-Үүд” чөлөөт бүсийн Захирагч Д.Дамдинцэрэн, БНХАУ-ын Эрээн хотын Засаг дарга Ма Хай Тао, Эрээн хотын чөлөөт бүсийн дарга Доу Шиао Пин болон хоёр талын холбогдох албаны төлөөллүүд оролцов.
Уулзалтаар талууд хамтын ажиллагааны бүсийн Монгол талын ерөнхий төлөвлөгөөг БНХАУ-ын ерөнхий төлөвлөгөөтэй уялдуулах, “Хамтарсан Ерөнхий төлөвлөгөө”-ний төслийг эцэслэх асуудлаар санал солилцож, хоёр чөлөөт бүсийн хил холболтын бүтээн байгуулалтын ажлын явц, дэд бүтцийн бүтээн байгуулалтыг нэмэгдүүлэх болон хамтран хөрөнгө оруулалт татах чиглэлээр харилцан ярилцаж, цаашид хэрэгжүүлэх арга хэмжээний талаар хэлэлцлээ.
“ЗАМЫН-ҮҮД” ЧӨЛӨӨТ БҮСИЙН ЗАХИРАГЧИЙН АЖЛЫН АЛБА
