БНХАУ-д “COVID-19”-ийн 100 сая гаруй тун вакциныг тарьсан хэмээн Хятадын Төрийн зөвлөлийн “COVID-19”-тэй тэмцэх ажлын хэсгээс зохион байгуулсан хэвлэлийн бага хурлын үеэр мэдээллэсэн байна.
Хятад улсын хэмжээнд 102.42 сая тун вакциныг иргэдэд хийн дархлаажуулжээ.
БНХАУ-д “COVID-19”-ийн вакцинжуулалтын өдөр тутмын тайланг энэ сарын 24-нөөс танилцуулж эхэлснээс хойш өдөрт гурван сая гаруй тун вакциныг тарьж байгаа юм.
Мөн Бээжин хотод 03 дугаар сарын 28-ны өдрийн байдлаар 13.98 сая тун вакциныг тарьснаас 5.28 сая хүн вакцинжуулалтад хамрагдсан байна.
Эх сурвалж: Синьхуа агентлаг
